有線裁員｜新聞部員工要求交代 陳興昌：而家爛仔講數？
有線新聞部裁員
今日有線突兀地裁員，事件令管理層能力備受質疑。一段由有線員工拍到的片段中，見到新聞部管理層步出房間，向員工交代，陳興昌一句：「依家好似爛仔講數咁喎。」即引起在場員工不滿回應，「唔係爛仔」、「邊個係爛仔？」有員工嘗試與管理層理性討論說：「依家係突然之間有幾十位同事收電話，而揀嘅人我哋作為組長係完全唔知嘅，亦都唔知個準則係點嘅，之後就話等HR，HR落嚟就係解成本呀！」
問到管理層選擇裁員的準則是什麼？陳興昌只將雙手交叉放於胸前，回應一句說：「我想問Edna（謝燕娜）響邊度？」又說：「我哋都搵緊佢。」有員工不滿說：「整個係集體決定，有咩理由得Edna一個出嚟頂？」
新聞及公共事務副總經理許方輝解釋：「唔係叫Edna一個出嚟，成件事係人事部嘅一個Exercise。」該員工續說：「我知你哋要郁人，我知你哋要cut cost呀，我想知嗰40人點嚟？你點會炒咗剪片剪得最好嗰個，你點會咗刺針全組？」另一位員工又質疑裁員的準則。在被質問期間，許方輝因要接電話而離開，在旁的新聞總監李臻則未有作出任何表示。
直至許方輝談完電話後，表示主管可進入房間討論，但員工不願意： 「就係細房傾太多，其實所有嘢係咪可以商量。」許方輝回應指，目前與管理層洽談究竟如何處理這件事。」但員工不滿說：「呢個係一個結果，你唔係今日先知有呢件事發生。」並再度質疑裁員準則。
許方輝回應指，不希望逐個人去說明，但大致以是節省資源為準則，同時需要重組架構，及工種的配合，「以刺針為例，我哋唔係無咗刺針呢個節目，而係刺針及港聞記者係咪要一齊做同樣嘅嘢呢？係一個重組嘅過程。」員工回應指：「重組，但係其中做開《刺針》嘅就一個不留，呢個就係你哋覺得最好嘅處理方法？」又說：「自從你哋幾個入嚟之後，我哋已預到會有今日，但無估到你哋無考慮到公司未來嘅發展，對新聞嘅質素嘅影響，邊個做得嘢邊個唔做得嘢，好似合埋眼亂咁剔。」李臻在這時搖頭表示不同意，說：「每一個新聞部的員工都有佢嘅作用，但在做這個決定時已花好多時間去爭取，大前題係新聞組survive，成間公司可以繼續run落去。」
隨即有員工說：「你花時間係咪即係個名單你有份come up？」李臻說：「開頭我哋有一個範圍。」有員工即質疑幾位剛加入新聞部的高層對新聞部的了解有多深。並再度質疑管理層裁員的準則，李臻則再推說不會公開說明準則，又說打算逐組別溝通。員工再度不滿，指管理層在裁員後才說溝通，並說：「裁員後連一個說法都沒有」，最終許方輝說要與管理層討論，與李臻一同離開。
-----------------------------
-----------------------------
-----------------------------
-----------------------------