香港迪士尼樂園全新遊樂設施「童話園林」，今個月17日喺幻想世界隆重登場，特別之處係將會5個迪士尼公主經典童話場景，包括《魔髮奇緣》、《雪姑七友》、《美女與野獸》、《仙履奇緣》同《小魚仙》，隨住耳熟能詳嘅優美旋律，活現眼前。

例如《魔髮奇緣》中，長髮公主樂佩長年被困高塔，當佢爬出窗外決心利用佢嘅長髮離開之時，意外地遇到費華特；「童話園林」內就有機會畀一眾粉絲喺「ISeetheLight」嘅音樂下，重溫費華特帶住樂佩坐喺小木船觀賞漫天天燈嘅浪漫一幕。另一經典作品《美女與野獸》亦會重演位於遍地白雪同崎嶇山上嘅城堡故事，貝兒公主仲會同野獸喺城堡嘅宴會廳一齊跳華爾茲。