自從何雁詩同鄭俊弘拍拖之後，負面新聞一直都未停過，早前仲有傳何雁詩喺陳嘉寶（Anjaylia）婚宴上「發酒癲」，不停鬧乜嘢衰人咁，跟住又話自己單身。(新聞連結： http://bit.ly/2Ar8xqE )

雖然佢事後否認呢件事又話感情穩定，但係佢哋呢段戀情似乎有暗湧，今日就報道話何雁詩為咗修補男友同屋企人嘅關係，於是乎帶埋鄭俊弘去醫院探爹哋，點知最後備受冷落，冇癮走人。

報道出咗街之後，何雁詩下晝就喺fb留言指感到難受：「難受原因就是因為我父母在我不在場的情況下被追蹤和拍攝。身為藝人我明白到被追蹤有一定的壓力，因此我非常非常不希望他們因為我的職業而承受這種壓力，作為局外人未必能完全理解，亦不強求理解或認同。可是身為別人的子女，保護家人就是我的使命。」

何雁詩仲話：「我父母的工作與娛樂圈完全沒有關係，所以在他們獨自處理私人事時，希望大家可以給予他們空間。發生了的事情就讓它過去，但希望日後大家能給予多一點理解。以往關於我的報道，我可以一笑而過，但影響到我家人的私人生活時，實在難以完全不發聲。我明白記者跟藝人也是一樣，長長的時間為了做好一份工作，但希望以後能讓我一個人承受輿論壓力。謝謝大家的體諒！」

但何雁詩冇提過男友係咪受到家人冷落，亦都冇提及佢哋關係，究竟係咪真係咁差呢？

噚晚何雁詩出席大台盤菜宴都有玩直播，但係佢又玩得好hea，大部份時間對住佢同啲同事影相，上台唱歌都拎住LIVE，鏡頭揈嚟揈去，真係好兒戲。

更多娛聞，喺晒《娛果》
http://fb.com/appledailyent