劉家駿早在大學時代，已經洞悉補習行業的價值，但不能接受社會只將他標籤為與錢掛鈎的「補習天王」，而抹煞他背後多年的努力。過去多年的每個工作日，他自言只睡三至四個小時。走上這條天王路，要歸因於他懂得揚長避短，並非父母刻意栽培，「佢哋都未讀過大學，但自己自細嘅強項一直係英文，就專心學好……我數學都好差㗎，會考攞到D係幸運。」他細說起當年，「我讀中學已經立志教書，而做補習老師坐底可以影響千幾人，但當時唔知道搵幾多錢㗎。」直至他上大學後做私人補習，「試過有學生最多用1200蚊一個鐘嘅價錢請我補習，其他嘅六人小組，每人都要700至800蚊一個鐘。當時呢種嘅強烈信息，肯定咗自己好有市場價值。」