日本長腿女星菜菜緒早前獲邀亮相一個電視節目，喺節目入面利用咗3D人像打印技術，幫佢整咗個同真人一樣高嘅櫥窗公仔，製作費高達350萬日圓（25.6萬港元），不過一般製作時間需時3個月以上，呢個就因時間關係只用咗2個星期就火速完成。

當日節目工作人員將個公仔放喺商場入面時，就完全冇人覺得公仔個樣似菜菜緒，而菜菜緒本人前日就同公仔嚟個孖妹自拍，仲將張相放咗喺Instagram，效果相當恐怖，同時佢就加咗「工作人員努力搵出相似地方」、「話似我都唔會開心」等hastag，似乎菜菜緒都對個公仔都唔係咁滿意。