特首梁振英昨出席地區論壇時，就其班子前成員張震遠、林奮強平反，要求舉報二人的人士道歉，又主動將林慧思不滿警方執法不公而粗言駡警事件再升溫，今早不少市民致電電台烽煙(Phone-in)節目，狠批梁振英昨日言論不當，王先生表示，自己有藉林老師事件教導兒子，但梁振英身為特首，亦是很多小孩的榜樣，梁振英口說要社會穩定，互相包容，但沒有提出要原諒已道歉的林老師，反火上加油，再挑起矛盾，只會令社會更撕裂。

另一名自稱不支持泛民亦不撐建制派的市民質疑，昨日會場外發起打鬥的可能是建制派外圍組織，此舉引發群眾鬥群眾，令香港社會進一步撕裂。張先生更直斥梁振英無能，從其言論已反映他「走火入魔」。

烽煙聽眾語錄：

王先生：「呢個特首做事嘅方式真係好有問題，民怨已經咁多，我哋社會已經咁唔安定...其實宜家佢應該出嚟幫我地去安定返呢個社會，將分歧擺平...佢擒日所有說話，都係令雙方嘅人繼續憤慨落去，都唔知佢想點，佢係咪真係想香港和平安定？口就係咁講，好失望」

張先生：「有人去示威衡擊政府唔好，但有班親政府嘅，唔知係咪叫外圍組織，出嚟雙方對立，群眾鬥群眾呢種手段...特首噚日嚟到係反效果，令到社會更加撕裂」

張先生：「我哋呢個特首咁無能、走火入魔...如果有良知嘅，我哋香港700萬人，睇清楚呢個特首喇」