當年今日
關於我們

【搞笑唔輸畀阿葛】人生第一場謝票 尹揚明獲觀眾嗌:鐵漢柔情尹揚明!

蘋果日報 2018/10/09 19:51

女皇撞到正葛民輝忘盡心中情尹揚明

周秀娜、張繼聰主演,甄柏榮執導新片《女皇撞到正》,戲中有一段係葛民輝同尹揚明合唱改詞版嘅《忘盡心中情》,呢首歌嘅MV已經post咗上網,日前尹揚明知道有謝票活動,馬上舉手話:「我要去。」
現年60歲嘅尹揚明,入行30年,拍過唔少電影,但原來未試過去謝票,所以當知道人生有呢次機會,即刻好雀躍。而當佢入到戲院時,有觀眾大聲嗌:「鐵漢柔情尹揚明。」聽到觀眾咁嗌,開心到佢呢!
阿葛戲中演爆牙輝,為人風趣搞鬼,生前係個愛護家庭嘅男人,對朋友重義氣,可惜愛賭好酒。阿葛同尹揚明識於微時,情同手足,有首兄弟飲歌《忘盡心中情》,又一齊合作做賓館同海鮮生意,可惜最後失意失敗,欠下巨債嘅阿葛喺著草走佬時,遇交通意外過身。
導演為表達佢哋嘅兄弟情,整咗首改詞版《忘盡心中情》,阿葛拍攝時,即場發揮創意加入新歌詞,難得呢位柔情鐵漢都肯,Jam出火花。
精選娛聞,喺晒《娛果》
http://fb.com/appledailyent