周柏豪﹑連詩雅（Shiga）﹑楊愛瑾（Miki）﹑王敏奕﹑蔣怡及周麗淇（Niki）等，今晚喺中環Dragon-i出席Adidasoriginalsparty。

Miki表示早前喺北京同廈門，拍內地電影《愛情調味包》，佢話：「呢套戲除咗我，只得台灣及內地演員，以為自己國語好好，點知發現其他演員北京腔好勁，自己都要諗一諗，打擊咗自信心，事關媽咪係北京人，平時都講國語，0依家要學國語。」

問到係咪專注內地發展？Miki表示：「都唔係，只係香港好少機會，搵錢又好﹑機會又好，呢幾年喺香港真係好少。」Miki又笑言會畀五年時間自己，問到係咪五年後結婚？Miki就話：「呢啲隨緣，兩年後再講。」佢又話感情好穩定，咁男友係咪結婚對象？佢話：「應該係啩﹗女仔應該要含蓄啲好。」