【掃「黃店」?】高志森訪問PK鄧講克警抗疫 用超級電腦協助衞生署
鄧炳強克警PK鄧
武漢肺炎疫情持續,本港過去1日再新增41宗確診,年齡由11至65歲,性別為21男20女,當中34人有外遊紀錄,截至今日下午3時,尚有39名武漢肺炎患者未獲安排送院,一班「忠誠勇毅」究竟在防疫工作有多努力,要「加班加到超晒budget」,連今年《財政預算案》也要對克警批200多億總開支預算。
高志森與屈穎妍早前訪問警務處長鄧炳強,講到疫情戰之下,克警發揮甚麼作用,鄧炳強就介紹克警在抗疫前線的職責,強調克警孭着抗疫「重任」在身,譬如檢疫中心的保安工作、負責追緝違反家居檢疫的人士,他續道:「對於一啲應該家居隔離但周街行嗰啲,我哋就要負責捉返佢,將佢哋送去檢疫中心,另外我哋個超級電腦系統,亦都係負責協助衞生署,去追查呢個病源究竟喺邊度嚟,又或者病源會散播咗去邊度?」
他又指克警有一個抗疫專隊,有約130名退休的義工克警,以及70名自願的在職克警組成,「用餘下時間去協助打電話畀一啲家居隔離人士,喺關口幫一啲人士戴上手帶,另外負責幫助民安隊去管理一啲檢疫中心,甚至乎去醫院洗衫房去幫佢哋摺衫,我哋希望作為社會嘅一部份都希望可以出一分力」。
目前有不少人佩戴手帶的家居隔離人士出街「醫肚」,克警則負責「去搵番呢啲人士」安排送相關人士到檢疫中心,「由於嗰啲人士嗰啲病情係點呢,我哋都唔知道,所以其實同事都係面對一個好大嘅風險,咁但係呢個係我哋嘅職責,就算面對風險我哋都要做」。
自政府推出新一輪防疫措施後,要求食肆每張枱只能招待4人、且每張枱要有1.5米間距,近日爆出不少「黃店」成為克警針對的目標。「黃店」龍門冰室紅磡分店今日遭到警察「踩場」,意圖驅散在店外等待外賣的顧客,更進店內要求互不相識的食客「搭枱」以增加每張枱之間的距離,有食客直斥警察做法荒謬,質疑是故意打壓黃店;而光榮冰室半小時內更兩度遭警掃場。
防疫工作認真夠忙,未知克警的超級電腦可否追查病源之外,幫一幫懲教署及物流署查詢一下之前的CSI口罩分配去邊呢!?
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》