吳業坤今日喺商台宣傳新歌《精裝追女仔》，咁啱遇正同樣宣傳嘅陳慧琳，前輩主動叫佢坤哥打招呼，令坤哥尷尬面紅，二人後來握手合照。

早前坤哥同日本10個女模合作拍MV，仲同其中一個水著女優作狀親熱，佢話係做幻想出來嘅畫面，所以會有餵食同挑逗佢嘅動作。

問佢喺現場有冇抑壓自己把持唔住？佢話：「保持自我，要表現紳士。」佢話喺片內硬住頭皮，因為有跳舞，拚盡畢生精力去跳。佢話冇特別拎班女仔電話，但遲啲喺網上有選舉，網民投出最愛嘅一個，之後女模會來港出席坤哥活動。

精選娛聞，喺晒《娛果》
http://fb.com/appledailyent