黃翊喉嚨生水囊要爭取時間休息：可能減少直播次數
蘋果日報 2021/06/18 18:11
黃翊喉嚨生水囊
重返娛樂圈的黃翊近期除了在電視亮相外，亦頻頻開Live以歌會友，日前還舉行睡衣派對，邀請蝦頭齊齊開live唱餐飽。不過昨日黃翊在社交平台貼了一張手上插了靜脈注射針口的相片並留言表示：「入廠。」因未有透露原因，故不少網民留言詢問。
今日《蘋果》向黃翊了解，他解釋入院因由：「近呢兩個月喉嚨唔係幾舒服，但成日都唔好，唔單止影響唱歌，甚至連講幾句說話就好易攰，所以決定入院做檢查，睇咗耳鼻口專科醫生，最終發現喺喉嚨生咗個水囊。」
幸好醫生指情況不算嚴重，黃翊昨日已出院及暫時只需食藥，他稱：「喉嚨唔舒服都可能同我本身有胃酸倒流有關，另外膽固醇同十二指腸都有啲事，年紀大啦，惟有乖啲休息吓。」黃翊指稍後的網上直播會找朋友如羅敏莊及「蝦頭」楊詩敏幫忙做主持，另外亦可能減少直播次數，爭取更多時間休息。
之後黃翊亦在社交平台報平安，表示三日兩夜的醫院之旅已經順利完成：「醫生話喉嚨需多休息， 有七大毛病但小毛病就....一於今日開始改變生活習慣，個個都要精神翊翊喔！」
黃翊今日報平安。（IG截圖）
黃翊表示暫時會減少唱歌，爭取更多時間休息。（資料圖片）
-----------------------------