62歲嘅陳榮峻喺10年喪妻，之後因為拍劇遇上58歲嘅吳香倫，拍咗3年拖，陳榮峻上年喺無綫職工盆菜宴上，向女友跪地求婚（新聞連結： https://bit.ly/2teDsQK ），早前4月入紙登記註冊，並於7月10日喺九龍灣一間酒樓舉行婚宴，下晝就喺中環一間教堂行禮。喺籌備婚禮嘅呢段日子，準新娘因為要去橫店開工，所以要由準新郎陳榮峻包辦婚禮嘅鎖碎事，佢笑指賓客名單令佢最頭痛。

陳榮峻自嘲年紀大，怕應付唔嚟，笑言結婚當日冇打算安排「接新娘」呢個環節，總之一切從簡；話雖如此，佢哋都好傳統，除咗必定會向長輩斟茶之外，早排仲去咗試中式裙褂（新聞連結： https://bit.ly/2Gpng8U ），佢透露裙褂同婚紗都有贊助，不過佢認為結婚戒指係雙方承諾，要自己出錢先夠誠意。

精選娛聞，喺晒《娛果》
http://fb.com/appledailyent