除咗暴龍哥Troopz，阿仙奴球迷中仲有一位DT哥都幾出位，當佢知道領隊雲格喺「車兵戰」將阿歷斯山齊士擺喺後備席，當堂發火。

佢接受《ArsenalFanTV》主持Robbie訪問時好激動，話雲格將一個世界級球員擺後備席，真係唔知佢咩玩法，仲夾雜住「fxxking bxxch」粗口鬧教授。兵工廠呢場除咗山神做後備，奧斯爾亦因傷入唔到大軍名單，但睇正選11人中，前線排出拿卡錫迪、韋碧克同伊禾比，相信廠迷最不滿係點解伊禾比會先過山神出場。

山神啱啱喺上周四歐霸盃對科隆射入一腳靚波，而且狀態難得返番嚟，亦難怪DT哥咁嬲，但雲格到底咩葫蘆賣咩藥，就開波先知嘞！