當年今日
關於我們

【回復自由身?】范冰冰好友力證李晨冇分手 低調慶祝生日冇人知

蘋果日報 2018/09/24 11:40

LC朋友圈生日范冰冰李晨

范冰冰捲入避稅風波受查,近幾個月各種傳聞湧現,有講過佢被軟禁喺酒店,亦有傳佢秘密去咗美國,但范冰冰一直未見公開現身,只係試過喺今個月16日生日當天,喺微博上線,刪除咗一條系統自動發佈嘅「生日快樂」post。
消失超過100日,接咗嘅電影要易角,上個月又指男友李晨為求自保,已經同范冰冰分咗手。上年李晨喺范冰冰生日求婚成功,今年反差相當大,噚晚范冰冰造型師好友卜柯文終於忍唔住,喺微博幫口反擊。
卜柯文無啦啦喺微博發火,係因為噚日微博出現咗條熱門搜尋「渣男李晨現形記」,卜柯文隨即貼出一張微訊朋友圈截圖,用戶名稱係「LC」,即李晨嘅拼音縮寫,LC留言「生日快樂」,下面仲有45張打咗格嘅相片。卜柯文留言話睇唔過眼:「他們今年就想低調的過個生日做錯甚麼了?他們每年的生日都挺開心的,我們祝福他們。」佢又話兩人低調就係唔有人亂咁留言或者惡意解讀。
有網民留言到,LC選擇發佈呢啲相嘅時間,正正係范冰冰9.16生日,仲要set好喺早上5點20分,藉以表達「我愛你」。
精選娛聞,喺晒《娛果》
http://fb.com/appledailyent
empty
李晨上年喺范冰冰生日求婚成功。
empty
今年冰冰捲入避稅風波,近一百日都好低調,佢嘅好友話冰冰同李晨冇分手,只係低調慶祝。(微博圖片)