【本報訊】反修例人士提出的五大訴求中，特首林鄭月娥最終只回應了「撤回」一項，建制派立法會議員謝偉俊昨稱林鄭至此才撤回修例是「太少、太遲」，但他反問是否應為「少少嘅嘢」而爭拗？又稱明白部份人為了理想而做了很多事，但認為「不如將醒覺做吓環保仲好啦，𠵱家環保﹙問題﹚咁嚴峻」。同場的民主黨立法會議員涂謹申反駁，今次修例爭議非「小事」，強調香港的自由價值過去幾年被剝奪，因此觸發大規模風波。
謝偉俊昨於電台節目指，林鄭突然宣佈撤回修例，旨在降溫，批評政府處理反修例示威的手法進退失據。

謝：林鄭只犯一次半次失誤

謝偉俊同時指，若翻看林鄭過往去兩年政績，只犯下「一次半次政策上失誤」，反問：「林鄭政府兩年係咪真係做到大奸大惡，係咪真係做咗咁多咁嚴重傷害香港嘅嘢，導致真係不惜玉石俱焚呢？去攬炒，去破壞咁多年嘅努力？」。謝直言，「有時的而且確佢﹙林鄭﹚真係有啲嘴臉、措詞，好多市民覺得唔啱睇、唔啱聽」，但質疑是否因此「為咗所謂『少少嘅嘢』去爭拗呢？」
涂謹申嚴詞反駁反修例非「小事」，指涉及香港的深層次矛盾，尤其香港要有普選，因為香港的高度自治受損，舉例指過去幾年發生DQ風波、人大釋法等，嚴重影響香港的自由開放價值，「壓咗幾年嘞，香港人先至行出嚟，你估香港人想嘅咩？」
■記者許偉賢