影后惠英紅母親李桂芳前晚不適送到醫院，經搶救後不治，終年91歲。小紅姐昨日在微博留言：「親愛的母親，這些年你實在太辛苦了，如今能夠與爸爸在天上相聚，是一種福氣，希望你一路好走，爸爸會照顧你的，你的子女個個都很好，不要掛念我們，好好在天堂享福吧！我們愛你。」小紅姐接受本報電話訪問時說：「唔得閒！唔好意思！謝謝！」她的經理人透露小紅姐目前情緒還好，母親的後事還在安排中。

對母感內疚

小紅姐在今年宣傳電影《幸運是我》時，曾不諱言戲中患有認知障礙症（老人癡呆）的「芬姨」，原型是來自母親。她在訪問中提過，對一直不知道母親患病感到內疚，她說：「50零歲媽咪已經有老人癡呆，係冇人知嘅，從來冇諗過。只係覺得點解阿媽變得咁自私，又唔負責任，又麻煩，成日疑神疑鬼，搞到同佢關係好差，差得好緊要。直到有一日佢撻咗落地，碎咗隻腳送入醫院檢查。照腦嘅時候先發現個腦得返丁丁咁大個。到嗰時佢70幾歲至知，原來老人癡呆可以咁早有，亦去到好嚴重，所以好內疚。」試過弟弟跟弟婦回家時，母親竟然問「你喺邊個？以後多點來坐。」
提到跟母親相處，小紅姐試過自己情緒不好，因為轉台問題，以遙控掟向母親，又大聲喝罵，當時母親很委屈的喊着說：「我唔記得，真係唔記得。」事件令小紅姐很悔疚，此段情節亦加入電影當中。
採訪：李森