【賢仔Call馬】可以單騎領放！「發財寶」連捷形勢大好（廖浩賢）
蘋果日報 2019/09/30 22:20
連捷廖浩賢發財寶賢仔call馬單騎領放
周二（10月1日）跑國慶賽馬日，兩項大彩池三T及六環彩均有累積多寶，喜歡博巨獎馬迷記緊留意。
新開倉之韋達今季起步比預期中順利，不少出名難贏的馬，在不同操練手法下都有出色演出，雖然近幾次賽事頻頻跑第二，但起碼演出連貫及可靠，其中「發財寶」上仗表現一鳴驚人，今期有望再下一城。
第五場四班1400米，框架離不開「發財寶」、「鑽得旺」、「翡翠綠」及「七十七十」身上。
「發財寶」上仗以破班際紀錄時間贏田草1200米，今戰有贏馬路程唔揀，專登增程出王牌上陣，相信是韋達精心部署。
環顧同場沒有快馬，預計「發財寶」可以單騎領放，上仗贏馬加八分今戰實際只加五磅，形勢上佔了優勢。
對手方面，「鑽得旺」上季尾同程在蔡明紹胯下瘋狂快放，入直路只打兩鞭跑第四，可能開縫眼罩令口勁變得太重關係，早前試泥閘轉用面箍稍為留住衝，效果表現更佳，出動雷神擺明車馬。
「翡翠綠」暑期曾進行閹割手術，唔介意輕20磅，快跳感覺更輕身。「七十七十」上仗受制於賽事形勢，抽4檔預期會守五六位，改用停賽復出的薛恩，賠率會變得更有分頭。