當年今日
關於我們

701收料站:豐采靜極思動

蘋果日報 2003/09/30 00:00


經紀陳睇好電影股,小初早前跟佢炒中國星(326),然後再炒寰宇國際(1046),兩次都叫做賺到多少,但最近一輪翻炒中國星則未能得手。
經紀陳話,中國星炒咗咁耐,家陣股價仍企在1.21元水平,已經叫做好有交代。佢重話同一班炒家好似轉咗目標,唔炒阿媽炒阿仔,轉去炒豐采多媒體(764)。
中國星在7月中至9月中炒得興起之時,豐采竟然1股成交都冇,擺明街貨極之乾涸,但上周五豐采公布截至今年6月30日止中期業績,出乎意料地靚仔,盈利上升122.15%,有成2434萬元,只係冇息派叫人唔多高興。
公司噚日更講明,已經委任財務顧問,研究在星洲搞第二上市。豐采業績靚兼且搞第二上市,如果靜極思動要開車,理由十分充足。
雖然豐采噚日股價只係微升唔夠1%,收3.075元,但就由近期全無成交,出現成交金額249萬元,而且個棚亦搭得頗為似樣,可以密切留意。
慕容小初