當年今日
關於我們

【短片】【何家駒設靈】「大咪」生前糖尿病嚴重曹查理:佢之前情緒好唔穩定

蘋果日報 2015/02/10 06:00

蘋果設靈即時四大惡人何家駒大咪曹查理

日前病逝嘅「大咪」何家駒,今日喺九龍殯儀館設靈。靈堂以白花點綴,正中掛有往生淨土四字,靈前則有胞妹和胞弟的致哀花圈,王書麒、許秋怡和曹查理都有送上花圈。

約5點曹查理到場,佢話:「聽日會火化,不過未知之後點安排,我就提議撒去紀念花園,因為佢冇老婆仔女,冇人拜佢,咁仲一了百了,唔使幾年之後又要起,佢妹妹都覺得ok」。

佢繼續話:「一陣志偉同演藝人協會代表都可能會嚟。其實佢舊年已經出事,過年時隻腳腫到落唔到火車要叫白車,住院之後就話糖尿病好嚴重,隻腳黑晒。叫佢唔好做嘢又唔聽,當時個心同腎已經有少少衰竭,不過又救返。」

曹繼續話:「1月26號醫生話佢出得院,點知27號凌晨就瓜咗,應該係迴光返照,因為喺醫院佢情緒好唔穩定,成日喊話要返屋企,不過做兄弟冇所謂啦,最緊要佢走得安樂」。