懶音好多人都有,Tanya最近就發現連袁司長都一口懶音︰「最近袁國強都有呀,痕政長官,我一聽到就諗,你痕乜嘢呀?個廣告日日都係咁播,兩隻手就放喺個肚腩度咁,一係剪咗佢,一係後期再配過音啦!」
睇慣市場方面嘅徐緣,反而就留意咗另一樣嘢︰「搵個人提吓佢啦,袁國強面油太多,好簡單咋,叫個助手遞張面油紙畀佢就得o架喇,成塊面都係油,我哋個律政司好「納」呀!」
呢次輪到Tanya轉數快︰「佢真係好「納」喎,個樣仲好「檸」o添!」喂,Tanya小心啲講嘢好喎,不過做開律師口才好,實兜得返嘅︰「我有懶音,有時就會咁樣o架喇!」
星期三至日《亂噏24》!乜嘢叫做個樣好「檸」?!