韓國收費台tvN嘅王牌《請回答》系列劇集，噚日最新一齣《請回答1988》首播，收視錄得新高有6.1%，之前崔智友主演嘅人氣劇《第二個二十歲》開播只得3.6%，結局有7.2%，0依家《請回答1988》一開播就有6.1%，可見劇集有望再創收視新高。

而《請回答1988》嘅一班演員就通過VAPP同觀眾粉絲作互動，並承諾如果收視突破18%就會搞簽名會，而Girl'sDay嘅惠利亦都話：「我哋將穿着雙門洞1988年嘅衫開簽名會。」

柳惠英又話，「收視超過8%嘅話，我哋會帶着惠利去男子高中！」惠利亦都大方話：「我會等被通知係邊間男子高中後，大家想食咩嘢就請告訴我。如果想食韓牛嘅話，我會直接烤畀大家食！」

男演員們亦都紛紛話：「咁超過10%嘅話，我哋就去女子高中。」笑爆全場。