【唔憂嫁】邊個話基沙文成「魔」? 最少5隊拗手瓜
曼城巴塞隆拿車路士皇家馬德里曼聯馬德里體育會基沙文
邊個話基沙文去梗曼聯?有團隊成員放風話最少5間球會有興趣!
過去幾個月三日唔埋兩日就話馬德里體育會嘅法國前鋒基沙文今年夏天加盟曼聯嘅消息,就算基沙文自己都話煩到頂唔順,但傳媒總係講到非君不嫁咁樣樣。不過,英、西傳媒周三就齊齊轉口風,話有機會斟到基沙文嘅球隊點只曼聯一隊,皆因有位基沙文團隊代表向法國電視台表示:「雖然未有實質報價,但曼聯、曼城、車路士、巴塞隆拿同皇家馬德里都有查詢過。」所以魔迷們唔好咁老定呀!
講開基沙文,呢位法國射手喺周六馬德里打吡85分鐘建功,幫馬體會作客逼和皇馬1:1,入完波後猛咁對鏡頭指住左腳隻襪,原來係將入波獻畀一歲生日嘅囡囡Mia,唔知Mia咁細個明唔明老竇做緊乜呢?