【爆相爆片】傳阿Sa年底嫁百億太子爺 羽田機場現身未見孕肚
蘋果日報 2019/12/02 06:00
蔡卓妍大肚羽田機場爆相爆片
37歲蔡卓妍（阿Sa）最近傳有喜，有指她計劃今年底與百億麻將館太子爺石恆聰（Anthony）註冊結婚，並已懷有身孕，但未夠3個月，暫時未向外公佈，可謂雙喜臨門。
近日傳媒都在阿Sa男友的寓所外守候，但都未見她的蹤影。《蘋果》讀者黃小姐日前在日本羽田機場見到阿Sa，她透過「爆相爆片」分享，黃小姐稱：「嗰日下晝4點幾，一過關入咗機場禁區，就見到阿Sa一個人左望右望，當時佢冇戴口罩，只係戴咗頂帽，着黃色外套，見佢個樣都幾開心，好快就行咗入Chanel睇手袋。」阿Sa全程都是一個人，身邊未發現男友Anthony。
阿Sa乘坐國泰航班，並坐商務客位，由於坐的位置是通道位，或許怕被人認出，阿Sa立即戴上口罩。問到可覺得阿Sa有孕味？黃小姐說：「我睇唔到，因為佢係坐低，件褸放喺前面，不停低頭玩手機。」從相片可見，阿Sa的手臂位好有肉，將枕頭放在腰背，另把黃色外套放在大腿上，完美遮住個肚。《蘋果》聯絡經理人霍汶希，問阿Sa是否單拖去日本？霍汶希以短訊回覆：「佢係同朋友去嘅，因為佢要早啲返嚟做嘢。」
其實阿Sa與Anthony的感情已經好穩定，早前「Sa爸」蔡就勝生日，Anthony亦有搭住未來外父合照。至於盛傳阿Sa大肚，日前霍汶希已代阿Sa否認，指網上傳聞屬虛構，更指阿Sa近日下巴位置腫起，已聽從醫生吩咐照磁力共振，知道免疫力系統出現問題。
有傳阿Sa年底與百億麻將館太子爺石恆聰結婚。（左圖讀者提供）
盛傳阿Sa有BB，見她在飛機上全程戴口罩。（讀者提供）
Sa爸上月生日，男友Anthony搭住未來外父影相。（微博圖片）
早前英皇宴會，阿Sa都有帶男友出席。（facebook圖片）