大笨象又變身小飛象，話說今個星期四將會除淨嘅滙控（005），今日創過9年新高，加上又到派息除淨，相信短期仲有得升！

小飛象派息穩定，今日收市價報78.6元，現價都有5厘息，好過唔少投資産品。當然，我都聽過唔少人話，終於擺脫不孝子、不孝女之名，因為滙控上次見到7x蚊，唔少仔女都叫阿爸阿媽入貨，話收息好，當然心底都夢想匯控重返紅底股，咁就財息兼收，可惜滙控一路跌到喊，唔少父母因而覺棺材本血本無歸，仔女背上不孝重罪，𣎴過話時話，比起放銀行，相信投資保守嘅老一輩，至少收咗好多年禾味息，雖然可能嚇到心臟病!

大行依家又睇好小飛象，加上香港息口跟美國，都有上升趨勢，香港業務淨息差相信會更加理想，業務向好，今次又可以繼續叫阿爸阿媽入貨啦？

咩路
fb.com/whichroad