今年40歲舒淇喺9月同導演馮德倫於捷克結婚，日前出席台灣金馬獎時，被大會司儀陶晶瑩(陶子)爆佢「有喜」。(相關新聞： http://bit.ly/2gxMyUc )

當晚舒淇係咁掩住肚，陶子就開玩笑暗指舒淇有咗，之後又燒埋范冰冰嗰疊，搞到台下嘅范冰冰即刻交叉手否認。其實當日舒淇已喺Instagram否認。

陶子早前先share咗個報道，個status仲寫住「覺得自己很重要」，又話：「越罵，我越要主持！」

點知今日喺facebook出post道歉，態度180度改變，佢寫道：「在此要向那天在金馬獎新聞中心因為我的玩笑而兵荒馬亂的媒體道歉。請私訊我各位服務單位的地址和人數，我請大家吃下午茶，聊表歉意。大家辛苦了，謝謝。」

究竟陶子諗緊咩呢？點解個情緒急轉彎得咁緊要都有嘅!?