連詩雅(Shiga)前晚喺九展開處女騷,着上露肩長裙出場,唱完《到此為止》即喺台上除裙騷長腿,佢自爆:「頭先太興奮,bra帶都爆咗。」到嘉賓周柏豪上台,唱《黑》嗰陣,Shiga瞓喺梳化畀柏豪由腳摸上膊,仲疑似掂到Shiga波邊,柏豪又壓喺Shiga身上鼻碰鼻,但係兩人嘅纏綿互動,表現有啲生硬。
跟住Shiga演繹《血一般紅》,輪到柏豪過氣緋聞女友鍾浠文(Zelia)伴舞,着住deep V嘅Zelia,同Shiga激情互摸波撞波兼掃pat pat,Zelia仲瞓喺Shiga大髀上,最後兩女嚟個火辣激咀,Shiga錫到唇膏都花晒,觀眾當然尖叫拆天。Shiga話:「相信我攞咗Zelia台上初吻,大家見我好似儍更更,但我都有陰暗一面。」