近年很流行初生BB攝影，上一段動新聞教了幾個自己在家影初生BB相的小貼士，今次再教大家另外三招。

問：家中有甚麼物品可用來拍攝？

Elvis：紗巾、毛巾、包被和坐墊都可以用，可以先將毛巾捲成圈狀，再用衣夾夾好，上面再鋪一塊包被，模擬BB在媽媽肚內屈曲的感覺。也可將毛巾摺三摺，再在頭尾兩端捲起，
其中一端捲厚一點，用作墊着BB頭部，另一端則放雙腳，再在上面鋪其他布作背景。

問：BB扭計好難影，有乜方法氹佢？

Sharon：BB好醒瞓，父母可試試發出殊殊聲，拍屁股和掃眉頭。殊殊聲和BB在母體內聽到的聲音近似，聽後會覺得自己仍在母體內，增加安全感。拍屁股會令BB有一定幅度搖動，像仍然在羊水中，更加安心。掃眉則會令BB強制瞌眼，慢慢越來越攰，然後瞓着。
Elvis：可下載一些聲效的App，當BB聽到White noise，例如心跳聲、風筒聲，便會慢慢有睡意。

問：拍攝時BB通常唔着衫，室內溫度幾多先適合？

Sharon：恆溫25度就可以，有些父母怕BB着涼，所以開暖風機，但其實初生嬰體溫較高，被暖風機吹住，反而會令脾氣更暴躁。

記者：黃子配
攝影：伍慶泉、徐振國