現役馬之中，有唔少屬於四班躉，三班唔掂四班卻極惡，好似今期(10日)快活谷夜賽第三場四班2200米容天鵬馬房之「多多心得」，正係好例子。
季內「多多心得」共十三戰，其中兩次跑四班賽獲一冠一亞，路程都係谷草2200米，反而其餘十一場跑三班卻冇一次上到名，馬有馬性，唔到你唔服！呢匹四班台柱今次減夠分重返四班，即打王牌跑番首本戲谷草大長途，幕後諗緊咩大概唔使多講，臨場只要跑出應有水準，頭馬應可手到拿來。