古天樂跟郭采潔主演、阮世生導演嘅電影《巴黎假期》，將獲安排下月底上映。早前該戲到巴黎取景，戲中飽覽當地名勝，包括開始拆掉鎖頭、熱戀情人必到嘅心鎖橋，古仔喺呢度拍攝一場痛罵「前度」劉梓妍戲份。

劇情講述失戀、失婚嘅郭采潔，經方中信介紹到巴黎找古仔幫忙重建自信，陰差陽錯下古仔要扮基，仲大玩周星馳的經典拿手「巴黎鐵塔反轉再反轉」。

此外，古仔喺《巴》片再玩港式普通話，一句形容郭采潔嘅說話：「呢個女的神經病的，不是普通神經病，是超子（級）神經病。」