翁嘉穗噚日喺微博話16歲長子Jason喺「香港健力錦標賽」成為210kg紀錄保持者，原來佢個仔除咗蹲舉破香港紀錄之外，亦破咗臥推舉及硬舉總共三項紀錄。翁嘉穗今日喺微博話:「臥推舉 old record: 95kg Jason's record: 102.5kg, 硬舉: old record: 170kg, Jason's record: 200kg. 我的驕傲，My boy boy! 」

身在新加坡嘅翁嘉穗，今日接受《蘋果》訪問時話：「佢破咗3個紀錄，佢之前同教練練嗰陣，都知道應該可以有幾好成績嘅，咁真係可以破到紀錄當然好開心啦。佢自己都好開心。佢有同學一齊參加，成績都好好，佢哋團體賽都攞到冠軍o添。」