韓國「國民妹妹」IU主演嘅tvN新劇《我的大叔》將於21日首播，噚日IU透過劇組，公開當時決定演出新劇嘅原因。

IU表示：「我好期待跟我非常喜歡嘅電視劇《未生》導演金元錫合作，另外，不做作且極具共鳴嘅台詞，亦令我印象非常深刻。」

提到劇中角色，IU表示：「知安（IU飾）呢個角色係我從未嘗試過嘅，因此我好想挑戰一次。之前主要扮演陽光，或者係即使有啲刻薄但仍有可愛一面嘅角色，但今次將扮演完全唔一樣嘅角色。為咗扮演從未感受過溫暖嘅知安，我想試著成為一個安靜且跟現實激烈抗衡嘅人。知安對於呢個世界已經得出自己嘅結論，自認為已經完全了解呢個世界，但逐漸認識到除咗自己了解嘅世界以外，居然仲有更廣闊嘅天空。」

更多韓流，喺晒《娛果》
http://fb.com/appledailyent