下月上映嘅《自殺特攻：超能暴隊》（SuicideSquad）演員已經展開咗宣傳攻擊，幾位成員包括「小丑女」澳洲女星瑪歌羅比（MargotRobbie）、「死靈射手」韋史密夫（WillSmith）、「烈魔」傑賀蘭德斯（JayHernandez）及「劍客」福原凱倫一齊喺邁阿密出席活動。

有好多粉絲去現場湊熱鬧，見到唔少影迷都爭住搵瑪歌羅比簽名同影相，就知佢係最受歡迎。現場仲有人扮小丑及小丑女戲中造型。

美籍日裔演員福原凱倫都唔弱，着咗條貼身裙谷胸，好養眼。最睇唔慣係「烈魔」，原來佢冇代妝個樣真係好唔同。
一副巨形壁畫畫咗佢哋四個喺戲中嘅角色，佢哋都爭住喺壁畫前留映。