下星期就係睇世界盃嘅時候啦！大家準備好未呀？要準備啲咩呢？咁當然係零食啦！最近有人做咗個調查，為大家歸納咗十款睇波必備零食，係咪好想知道邊隻零食排第一呢？就等蘋地小編話畀大家知啦！

首先講咗第四至第十位先，分別係蝦條、魷魚絲、朱古力、餅乾、肉腸、粟米片同雪糕。唔知有無你哋鍾意嘅零食呢？

登登登登！係時候要公布頭三名啦！第三位得獎者就係果仁，果仁正呀！而第二位係花生！細細粒，又多味道，真係幾啱睇波嘅時候食！好啦，嚟到第一名啦，就係薯片啦！有成92.7%嘅受訪者都表示鍾意㗎，睇波又點少得薯片呢？

調查仲指出，有醫生表示：好多男士平時都未必鐘意食零食，但睇波嘅時候就會好自然咁食，可能呢啲都係「男人嘅浪漫」。

發掘更多身邊的小城故事，請LIKE 蘋地Facebook Page，並設定為「搶先看」：  https://fb.com/appledailyland