【爆相爆片】消夜男講嘢大聲咗 遭惡漢利剪傷眼角
登打士街粥麵店傷人
旺角登打士街35號一間粉麵店,凌晨2時許,兩枱帶有酒意食客,其中姓張(39歲)男子疑因「講嘢大聲」,惹鄰枱食客不滿,雙方發生爭執,5人口角後動武,其間有人取走店內一把利剪作武器,刺傷張的臉及眼角,3惡漢傷人後帶同利剪逃去無蹤,張由救護員送院治理,其同行友人事發後離開現場,警方急欲會晤他協助調查。
有食客拍下當時的「講數」情況,可見事主血流披面,身旁三名大漢圍著他,其中一人持利剪,另一人一直握住豉油樽,疑隨時「爆樽」,其間持利剪的彪形大漢氣燄囂張,不斷用粗話痛駡事主,「你仲多x餘講嘢?」他以利剪傷人,卻講到自己身不由己,「我冇攞威㗎,我係被動,我係嚟食嘢」,事主回應一句「我都係嚟食嘢」,對方即怒斥事主;「你食嘢,你冇得罪我哋?我哋嚟食嘢,你xx我哋!」,「我就唔x放佢(事主)....我要個公道!」事主雖頭破血流,但面帶醉意,並無反抗,一副「肉隨砧板上」模樣,站在事主旁邊的朋友一直不敢出聲,最後雙手合什向對方講了句「大哥」,持剪刀的大漢則反駁「我唔係大哥,我係小朋友嚟咋!」不過,其後他又向事主說:「我冇當你係小朋友,你係大人嚟,你講啲嘢全部錯x晒!」
肇事粉麵店今晨如常開舖,老闆顧先生表示事發時他不在舖,但聽夥記說「有人講粗口,食食吓打架」,他指之前未見過事主幫襯,傷人惡霸亦未見過,他坦言「呢條街最複雜」,但開舖20多年,「冇人在舖內打架,食客多數唔攪事,冇試過打大交。打都係出面(舖外)」事發後舖內遺下血迹,但沒有損毀。
你敢爆,我敢獎!即Call
《蘋果》24小時爆相爆片熱線 :63836568