【畀難纏fans騷擾】石詠莉冇被影響心情 同鄧健泓食大餐慶祝聖誕
蘋果日報 2019/12/27 18:35
鄧健泓石詠莉
（攝影：仇志德）
最近被瘋狂fans騷擾的石詠莉（Sukie），今日到銅鑼灣工展會擔任表演嘉賓，同場還有葉冬賢及黃進林等。雖然被惡意中傷，Sukie的心情似乎未有太影響，她透露剛過的聖誕與老公鄧健泓享受聖誕大餐，加上慶祝生日，自嘲已食足全年份量。她笑指與老公未有互送聖誕禮物：「市道唔好，慳啲錢，平時都送好多，佢送禮物畀我仲肉赤。」
提到瘋狂fans E小姐，Sukie表示老公今日已在facebook發長文說明，坦言事情已困擾多時：「大家都知我好錫fans，我哋係有接觸呢位fans。呢個人係有等我7個鐘，但係因為佢之前做咗好多嘢，我哋唔可以接受，事情太嚴重，我哋唔可以得過且過。佢自己做錯，我哋唔想接受同接觸佢。」她透露瘋狂fans的不當行為，自16年起，期間她多次給予對方機會改過：「我哋真係忍咗好耐。」
老公今日於facebook指有女新人的fans club亦被E小姐騷擾，Sukie說：「其實唔止一個，但係我唔開名啦，希望佢識得收斂，亦有其他歌手朋友向我投訴，我都非常唔好意思。」她力撐老公已很好，未有把證據公開：「因為我哋一直都好錫同珍惜fans，成件事真係好無奈。」
採訪：盧妹、攝影：仇志德
石詠莉指已經忍耐了該瘋狂fans的行為很久。