剛戰開鑼日兩位好手潘頓、利敬國均起孖，旺氣逼人，那麼當日最「黑仔」的騎師係邊個？相信就是綽號「南非張敬軒」的年輕好手麥偉利。

當日麥偉利夥拍「金鼓齊鳴」搏殺，一度看似有勝望，豈料臨尾被「霸勝」追越，麥偉利人馬屈居亞軍，全日他冇馬贏之餘，更因策「金鼓齊鳴」途中阻及對手，被馬會判刑罰停賽兩個賽日。

咁都不特止，麥偉利在開鑼日第四場開跑前，策「勁快步」在閘廂唔小心撞親個鼻樑位置，搞到流血，而佢跑晒全日賽事後，到醫院檢驗照X光，證實鼻骨骨裂，要立即做小手術，麥偉利話當晚要搞到深夜12點先出院，好彩現時已無大礙。

麥偉利表示，他明白在香港發展，越遲開齋越難給予馬主、練馬師信心，造成惡性循環。今晚(5日)谷草開鑼戰，他只得「旅英公爵」、「金龍神駒」兩匹座騎或是一個警號，所以更要加多幾分肉緊搏殺，以盡快扭轉形勢，否則更難爭取支持。