季陶早前寫過，港府、警隊大玩「洗底」，想將暴警由黑變白，近日警方多名高層接受傳媒訪問，又大打輿論戰，正是漂白行動的開始。有民主派人士稱，相信這些「漂白」行動，是為日後的檢討委員會、甚至監警會報告放生警隊鋪路，但他直言這些大陸化的所謂「漂白」，其實只是火上加油，令市民更反感，更預言若檢討委員會、監警會報告真的包庇警隊，「林鄭政府準備定2020年再有幾百萬人上街」。

為不查警暴鋪路

該民主派人士指，警隊高層做的洗白式訪問十分大陸化，笑言「可能政法委郭聲琨叫咁做，大陸最興係咁，以為講晒官方版本就所有人會信，但呢度係香港唔係大陸」。他說有不少街坊看過那些訪問後十分憤怒，「有人講晒粗口，話差人可以無恥到咁，幾多街坊不過係鬧吓差人，就俾佢哋放催淚彈、用警棍打，仲要拉埋屈佢哋襲警同非法集結，呢班差人竟然當自己冇做過咁？完全唔使負責？」

另一政界人士相信，北京以至特首林鄭月娥明顯想用洗白手段，為即將公佈成立的獨立檢討委員會，以至1月公佈的監警會報告放生警隊，不查警暴鋪路，事實上連一些溫和建制中人均認為，若北京、港府以為頂住不查警暴，「拖拖吓民意冷卻後就冇事，咁真係完全錯判形勢」，他說逾半年反送中抗爭，估計逾百萬市民捱過警暴，「你以為香港人會忘記？到今日朋友聚會，三句唔埋就係鬧黑警，有朋友仲話呢個係香港二二八事件，幾代人唔會忘記」，直言除非對警暴作全面調查，否則市民下一波上街將是全面反警暴抗爭。

季陶
周一、三、五刊出