葡萄牙球星基斯坦奴朗拿最近同以一身四眼型仔look同皇家馬德里續約五年，不過就係呢個黑框眼鏡可能令到C朗畀皇馬罰錢！

點解戴個眼鏡都可能要受罰？咪就係因為呢副眼鏡係C朗個人贊助商Nike（一剔牌）出品囉！據西班牙傳媒報道，由於皇馬嘅贊助商係「一剔牌」死敵adidas（三間），而皇馬內部有規定，禁止球隊成員喺球會官方活動穿戴「三間」競爭對手品牌嘅產品出現，所以會方對C朗今次戴「一剔牌」眼鏡出席續約儀式有不滿，至於皇馬係咪真係會罰C朗錢呢，大家就要拭目以待喇。