【《同盟》Ricky之後冇存貨】同無綫轉簽部頭 敖嘉年返大陸拍戲

蘋果日報 2017/09/08 18:00

陳蕊蕊敖嘉年余曉彤滕麗明
    滕麗明、敖嘉年、陳蕊蕊、余曉彤(Hidy)今日到深圳蛇口價值工廠出席深圳國際潛水與水上運動展。
    滕麗明近年受到老公影響而愛上潛水，咁啱潛水教練同敖嘉年係好朋友，早前更一齊參與海底執垃圾活動，滕麗明對身為新手嘅敖嘉年讚不絕口，話佢對潛水好有天份，連自己有潛水牌都輸。
    原來敖嘉年同大台已經轉咗做部頭合約，佢喺《同盟》飾演嘅奸角已經係最後存貨，不過佢一啲都唔擔心，因為近年喺大陸發展成績唔錯：「再睇下未來點樣合作，都有搵我傾劇，有得拍就ok，各樣製作有分別，見識下都好。」
    o依家上大陸係咪賺多咗好多？敖嘉年不置可否話：「辛苦有辛苦嘅好玩，有多有少都唔出奇，睇投資方，大製作又未必好多錢，反而有時投資細可能會畀得多錢你，如果同重量級演員或影帝合作一定拍，幾多錢都冇所謂，志在參與下。」阿滕即插話：「呢啲經歷我有呀，曾經中央台搵我拍劇，我個價唔夠人賤同底，損失咗個機會，好多人爭。」
    熱愛潛水嘅Hidy同近期搞美人魚學校嘅蕊蕊，分別為活動擔任國際美人魚大使以及大中華區大使，熱愛海洋嘅佢哋均有潛水牌照。Hidy話：「第三年為活動做大使，明年會喺香港搞，可以宣揚更多保育意識，最初都唔知咩係美人魚，後來大會買咗條尾俾我，自己返去學潛水撲泳，做出一啲優雅姿勢，原來好多小朋友接觸海洋係睇美人魚。」
    empty
    滕麗明、敖嘉年、陳蕊蕊、余曉彤(Hidy)今日到深圳蛇口價值工廠出席深圳國際潛水與水上運動展。
    empty
    滕麗明近年受到老公影響而愛上潛水。
    empty
    咁啱潛水教練同敖嘉年係好朋友，早前更一齊參與海底執垃圾活動。
    empty
    敖嘉年同大台已經轉咗做部頭合約，佢喺《同盟》飾演嘅奸角已經係最後存貨。
    empty
    熱愛潛水嘅Hidy同近期搞美人魚學校嘅蕊蕊分別為活動擔任國際美人魚大使以及大中華區大使。
    empty
    Hidy話：「第三年為活動做大使，明年會喺香港搞，可以宣揚更多保育意識。」
    empty
    陳蕊蕊近年搞咗間美人魚學校，佢話學做美人魚有修身效果，仲可以幫助到自己娛樂圈工作。