豐盛金融資產管理董事黃國英指出，6月底炒上的二三線股份個別，有不同的基本因素理由，而且並非特別多，更多二三線股「唔掂」，「資金點會部署二三線股，買得太多好有吉士至得，成交細冇辦法exit」，他解釋，現時大趨勢資金由新興市場流入成熟市場，二三線股交投細，高位成交曵，離場價要回一截，變相難賺大錢，他又指個別股份如天虹（2678）原因特殊，非所有紡織股有相同東南亞經營成功概念；波鞋股追落後亦寧選Nike，執行較好，不會買中國體育股。

他指出，今個月料繼續跟紅頂白炒當炒藍，炒風可以維持「耐少少」，部份可博概念為華潤系，估計管理層會趁業績公佈息指引之類消息，以挽回信心；又指港銀股應「OK」，大陸收水，本地銀行會造好一點，但不要預期勁升；他亦指，二三線股綠城（3900）炒起，內房板塊少數有概念板塊，市場仍認為結構上可以，追落後可選融創（1918）、富力（2777），扒冷則選中海宏洋（081）。

至於市況前景，他認為「好惡搞」，因上周五美國股債齊升，即息口預期下降，新興市場理應有運行，但今日亞洲股市不升，顯示市況很差，惟指數至今欠指標性，相信會繼續兩極化，例如股王騰訊（700）已成人人要買的股份，因港股中手機上網股只得這一隻。