在剛過去的平安夜，正當家家戶戶慶祝佳節的時候，阿鳳卻在那天失去她生命中最愛的人。其六十二歲丈夫阿宣中風病逝，遺下她與患有先天性心臟病的三歲兒子。阿鳳不僅無法為將來生活打算，就連刻下一筆殮葬費亦未有着落。蘋果日報慈善基金即時撥款援助。

數天以來食不下嚥、無法安睡的阿鳳說：「二十二號嗰晚佢喺廚房煮緊餸，突然間跌低咗，我扶佢出廳坐，當時佢重清醒，不過講嘢就唔係好清楚，我叫白車送佢入院，估唔到二十四號下晝佢就唔喺度。平時佢冇病冇痛，係有啲血壓高。」
三十二歲的阿鳳與丈夫阿宣八年前結婚，夫婦年齡雖有一段差距，但相處十分融洽，兩人育有一名現年三歲的兒子，連同其夫與前妻所生的二十三歲繼女阿晴同住一所公屋。

生前從事短期清潔工
阿鳳表示，丈夫任職短期性質的清潔工多年，近年處於半退休狀態，一直只靠繼女於課餘兼職維持生計，今年四月，阿鳳找到一份老人院雜工，月薪約六千元；此外，繼女今年大學畢業，剛於上月獲聘為售貨員，月入五千多元。
正當一家四口生活較為安定的時候，阿宣卻患急病去世。
「佢份人好顧家，對我同個仔都好好，成日都擔心我哋食唔飽，留番最好嘅嘢畀我哋。佢好錫個仔，呢幾日個仔都有問起爸爸喺邊。個仔身體又有事，要長期覆診，過咗年要做一個大手術，我都唔知點算。」