熱爆韓劇《來自星星的你》前晚迎來第21集大結局,雖然結局粉絲反應兩極,有部份粉絲就話好鍾意個結局,有啲就覺得唔係happyending,不過點都好《星星》咁成功,搞到男主角金秀賢依家紅爆!
早前已經被內地20幾個電視節目力邀,有指佢依家已經取代咗《繼承者們》李敏鎬嘅位置,下月8號佢就會去南京參加江蘇衛視《最強大腦》錄影,據聞佢現一現身就穩袋600萬人民幣酬勞,比起之前台灣天王周杰倫嘅500萬人仔更加犀利,連搜狐都以600萬人仔力邀金秀賢做專訪,計計條數,金秀賢呢次咁就吸金1200萬人仔,好鬼和味。