王宗堯被控暴動罪明年3‧26再開審 庭外王婆婆VS大波Man
Your browser does not support the video tag.
王宗堯今早10時50分抵達,見他戴上黃色口罩、身穿早前訂購印有「Uncovering The Truth, Confronting Injustice(用真相對抗不義)」的《蘋果》白色T恤,配上西裝褸、牛仔褲。他禮貌地應記者要求停步拍照,問及他心情如何?王宗堯說:「暫時係平常心,希望大家繼續關注12人及其他人士被捕嘅消息。」
王宗堯指這幾天很忙很累,所以昨晚能入睡,他續道:「有好多朋友聯絡我,見咗好多人,做咗好多嘢,(呢幾日)好充實,亦都希望自己今次呢個經驗,可以將呢件事做好佢,希望其他人有需要嘅朋友都可以得到一啲幫助。好!唔該晒。」之後步入法院,早上11時開庭。
由於控辯雙方跟法官要商議是否所有被告一起審理或分開審理,因此案件要延至明年3月26日下午2時30分在西九龍裁判法院再提堂,王宗堯獲准保釋候訊。
下午2點幾步出法院,王宗堯接受訪問時,指案件有新發展,他續道:「對於所有被告佢哋嘅控罪,原本今日要排期……所有案結合……因為案件複雜性,法官會再開庭睇吓我哋案件點樣分拆。」
其間「大波Man」石房有在旁邊不時鬧王宗堯,「爭公司幾十萬未還,收咗好多錢」之類,而王婆婆和幾個fans亦有到場聲援,支持王宗堯。被問是否第12位被告,王宗堯解釋:「唔係!新加咗一位被告。」講到之後有甚麼安排,王宗堯續道:「嚟緊對於法官有新解讀都會有一定嘅安排,下一次開庭3月26日,到時睇吓對於我哋法律程序一啲控罪或者審訊有咩新解讀。」
提到有好多人支持他會否覺得很感動,王宗堯笑言:「係呀!係呀!好開心大波Man今日都有嚟撐場,我都好擔心佢會中武漢肺炎,希望佢身體健康,雖然佢哋好煩、好無腦,但我哋作為香港人嘅一份子,都希望大家身體健康,萬一佢哋有事都會影響到身邊嘅社區,個傳播鏈同病毒都好勁,希望大家都注意安全。」
王宗堯本來擔心案件排期審訊就要把按金放在律師樓,現時延期再審,他說:「其實要預備啲錢,自己有一定體會,我比較幸運,有機會畀大家知道呢件事,有其他人被捕後,亦都經歷緊同樣嘅經濟困難,對於一些無理控告,法院審訊期比較長,律師訟費比較嚴重,佢哋未必可以得到適當嘅Support,呢方面我哋都覺得需要被關注,呢段時間有疫情,加上政府嘅政策,相對經濟比較困難,我哋會唔會有工作機會畀到佢哋呢。」
講到他是否不考慮眾籌,王宗堯斬釘截鐵地說:「唔會,我哋覺得香港人,好似剛剛大波Man咁講『我哋香港人有手有腳』自己做嘢都OK。」王宗堯指暫時未有時間坐低計算賺到多少錢:「我一知道有好多朋友撐我,收到好多溫暖嘅訊息,我個心好安定,我已經諗緊其他嘢。」
王宗堯有留意好友「齊阿哥」為他寫一首歌,他續道:「每日都有睇佢,知道佢去咗德國,有好多對香港繼續發聲嘅影片,亦繼續關心香港發生嘅事,所以好開心,我第一次睇佢,係臨近國安法之前,朋友send佢啲片畀我睇,之後我就每日都有睇,噚日得到佢呢個資訊,我好開心,今朝比較早,所以未同啲朋友坐低傾,晏啲朋友傾。」
訪問時,有一位記者忽然問他有沒有看過吳佩孚上節目談及擔心他明年官司的情況,王宗堯有點愕然問:「邊個嚟?」有記者解釋那位是風水師,王宗堯接着說:「嗰啲作為參考,我覺得好多嘢都掌握喺自己手上,同埋香港人如果力量夠,每一個人可以互相去幫助,可以成就到好大嘅奇蹟,好多嘢命運可以改變。」
王宗堯稱好開心大波Man今日前來撐場,之前擔心他會中武漢肺炎,希望他身體健康。
王宗堯前日獲得公民黨「飛機師」譚文豪邀請,以5位數字酬勞在譚文豪位於旺角新開的茶餐廳「一日三餐」擔任一日店長。
《蘋果》「懲罰」王宗堯主持新節目《王探黃》,由他出動帶大家走勻全港黃店,昨日首站到《蘋果》踩場。
-----------------------------
-----------------------------