【李八方online】自由黨邵家輝為七警判刑重落淚

蘋果日報 2017/02/21 18:42

李八方邵家輝七警

七警被判監兩年,「藍絲」組織紛紛幫佢哋籌安家費,包括自由黨。自由黨今日同傳媒團拜時宣佈會成立「關懷七警家庭基金」,初步目標係籌100萬,以平均分畀7個家庭,解決燃眉之急,之但係到底係按月分發、抑或一筆過咁畀呢,就仲未有決定,所有行政細節都要稍後再傾,但強調有關款項係唔會用於七警案嘅訟費上。
該黨副主席、立法會議員邵家輝認為判刑太重,仲自爆知道判刑後,有為七警落淚,佢透露,考慮緊捐出半個月至一個月嘅議員薪金畀七警喎。
黨友周梁淑怡亦好關注呢件事,佢個人留意到有啲針對法官嘅人身攻擊,擔心呢件事都會對法治有影響。