正所謂樹大招風，有人出名就自然會有人眼紅，皇家馬德里球星基斯坦奴朗拿奴（C朗）係當今球壇嘅天之驕子，多haters就一定架啦，不過估唔到有電視台竟然憎佢憎到P走佢啲肌肉，令佢變咗個肥仔！

西班牙《馬卡報》報道，加泰隆尼亞嘅電視頻道TV3喺一個節目裡面P走咗C朗嘅腹部肌肉，令到C朗六舊腹肌無晒之餘，仲連肚臍都P走埋，相當搞笑。呢件事俾人發現後，TV3就話佢地完全無惡意，只係想P走圖中嘅商標，不過……C朗肚腩又會有咩商標呢？