往日愛好搖滾打扮嘅葉佩雯，喺Instagram分享咗幾張近照，着得異常隆重嘅葉佩雯同老公郭偉亮（EricKwok），噚晚一齊去到中環置地文華東方酒店嘅法國餐廳食法國菜，慶祝拍拖14周年，除咗美食當前，當然最重要嘅係一份心意，除咗獲老公安排食法國菜慶祝，滿足過後再由老公充當柴可夫送返屋企，而Grace亦忍唔住再曬命po張坐車相上微博，Grace話：「開心的一個晚上。」

拍拖11年，喺2011正式拉埋天窗嘅Grace同Eric一向恩愛，EricKwok喺2011年於《Swing後會無期告別演唱會》上，向相戀11年嘅葉佩雯即場求婚，又即時邀請好友同律師見證下舉行婚禮，結婚3年依然畀到驚喜老婆，EricKwok果然係細心老公。