江華和麥潔文夫妻檔拍住上，今晚為《2019亞洲小姐競選》擔任表演嘉賓，獻唱亞視經典電視劇金曲。問到是否已收酬勞？江華搶答：「收晒錢。」麥潔文說：「我哋有人情味嘅。」江華再插嘴：「我哋都要食飯㗎嘛，所以我哋要收錢，我發夢都練緊歌。」

林文龍將出任亞視副總裁，問江華可否斟拍劇？他直言不想，因為太辛苦，麥潔文望望老公說：「個人咁懶。」江華解釋：「唔係，拍劇真係辛苦，現在同以前好唔同，班底要傾好晒先可以做。你哋睇拍劇好似好簡單咁，我哋以前都試過成日冇得瞓，現在應該唔會，但你都要遇到好劇本、好團隊，唔係咁容易，我份人一做就瞓身落去做。」

85年參加亞視藝訓班入行的江華，表示已忘記幾耐沒有返亞視，只記得對上一次是為亞姐做評判。對於亞視熄台，他直言有留意，說：「依家都開番啦，唔需要咁惋惜，舊唔去，新唔嚟。」

採訪：黃曉妍
攝影：陳俊強
攝錄：林賓尼

-----------------------------
蝙蝠俠誕生80周年
點擊即睇85頁經典大回顧
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇