年屆50歲、擁有35G嘅藍心湄與33E「童顏巨乳」嘅郭書瑤，喺樂視播放嘅台劇《原來1家人》，劇中佢哋除咗大玩「重口味」之外，兩個女人更發生「胸」戰。

《原來1家人》除咗藍心湄同郭書瑤外，仲有邱澤同劉子千演出，劇組仲會不時邀請客人嚟客串，包括吳克羣、林宥嘉、小煜等。戲中藍心湄調轉來飾演郭書瑤嘅16歲囡囡，透過穿越時空返咗去父母年青嘅年代，期間藍心湄會有好多造型出現，其中一襲低胸、熱褲裝束，拋出「事業線」，盡顯佢35G嘅身材，反而郭書瑤嘅「峰」頭就俾藍心湄搶晒。

此外，嚟客串嘅小煜都好「瞓身」演出，小煜仲不惜爆肌演床戲，毫不吝嗇咁向觀眾展示佢嘅朱古力腹肌同紋身。