71歲的黃淑儀（GiGi姐）早前接受商台節目《1圈圈 星光背後》訪問，年輕一代觀眾認識黃淑儀，或者因為她2000年重返TVB拍攝李克勤主演的《廟街媽兄弟》，又或是她變身廚神主持的《吾湯吾水》、《吾淑吾食》等，GiGi姐近年演過無數媽咪的角色，但其實她是麗的第二期訓練班出身，68年轉投TVB之後，跟汪阿姐、李司棋、趙雅芝分庭抗禮合稱四大花旦，不過，她離巢次數最多，連今年初約滿轉投ViuTV拍攝全新飲食節目《Auntie Gigi美味駕到》，她先後5入5出TVB！

除了2012年熱爆的《巴不得媽媽》之外，黃淑儀先後跟阿姐汪明荃多次合作，76年一齣《書劍恩仇錄》，汪阿姐做霍青桐、李司棋演鴛鴦刀駱冰、GiGi姐就演李沅芷，三大阿姐同劇就曾經爆出過唔少爭戲爭排位的傳聞。

當年，有指阿姐拍《書劍》刺傷黃淑儀而導致不和，在節目中，黃淑儀指當年純屬意外，但亦揭阿姐當年「一句都冇問候過」，她說：「係，當時刀劍全部真係金屬，但好易斷，我哋都唔知，只係想攞起佢有嗰種重量同質感，有場我撩佢(阿姐)，佢一擋就刺傷眉心。」當時由李家鼎抱GiGi姐上車送入院，之後縫了4針，她稱與阿姐沒有恩怨：「冇冇冇，絕對冇。大家都知係意外，不過阿姐當年一路半個電話都冇打嚟問『你點呀，唔好意思冇』。反而，近年見佢就成日攞番件事出嚟講，話『當年我把劍擦親佢，真係幾唔好意思呀』咩咩咩，我話都過咗咁多年仲講嚟做咩啫，真係冇話唔開心，真係意外嘛。」

7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX