經過大半個月競選工作，莫乃光卻未見疲態，訪問開始已直言要盡快「開工」，「家選民同議員唔會有蜜月期，至多休息兩日就要開始做嘢」。選舉期間，對手譚偉豪任資訊科技界議員「做唔到嘢」，一直是莫主攻目標，現在角色互換，莫乃光就要證明他較譚「做到嘢」，「其實我哋已經約咗局長（商務及經濟發展局局長蘇錦樑）傾業界發展，我又會見選民聽佢哋意見」。
莫乃光最希望爭取成立資訊科技局，就算短期內未必有成果，他也作好兩手準備，有意與業界共同制訂一個資訊科技產業發展大綱，希望政府可以改善前線員工利益，「我希望90日內做到，未來四年工作有一個方向，可以逐樣落實。」
除了業界利益外，上屆議會留下不少「燙手山芋」要處理，包括被指針對惡搞的《版權（修訂）條例草案》，他直言一定爭取將惡搞豁免任何刑事責任。另外有關政府遲遲不發三個免費電視牌照，以及近日市民對亞視抹黑反國民教育的投訴，也是他未來關注重點，因保障網上及大氣電波言論自由，也是他的責任，「議員工作唔只係保障業界利益，仲要確保政府政策唔會阻礙廣播言論多元化」。